‘हीरामन्डी’ बाट ओटीटीमा डेब्यु गरेका निर्देशक भन्साली भन्छन्: बक्स अफिसजस्तो प्रेसर नहुँदो रहेछ

भारतीय निर्देशक सञ्जय लीला भन्साली ‘पद्मावत’ र ‘गंगुबाई काठियावाडी’ जस्ता उत्कृष्ट कथा कथनका लागि परिचित छन्। तिनै भन्सालीको वेव सिरिज ‘हीरामन्डी: द डायमन्ड बजार’ हालै नेटफ्लिक्सिमा स्ट्रिमिङ भइसकेको छ। जुन सिरिज दर्शकहरूले निकै मन पराइरहेका छन्।

यो रिलिजसँगै निर्देशक भन्सालीले ओटीटी प्लेटफर्ममा डेब्यु गरेका छन्। तर, सिनेक्षेत्रमा भने भन्सालीले सन् १९९६ मा फिल्म ‘खामोशीः द म्युजिकल’ बाट डेब्यु गरेका थिए।

यस सिरिजमा मनिषा कोइरालासहित अदिति राव हैदरी, सोनाक्षी सिन्हा, ऋचा चड्ढा, सञ्जीदा शेख र शर्मीन सहगलको मुख्य भूमिका छ।

डिजिटल क्षेत्रमा रूपान्तरण अहिले धेरैको चासो र जिज्ञासाको विषय बनेको छ। डेब्युपछि भन्सालीले ओटीटी प्लेटफर्मबारे बोलेका छन्। ‘ओटीटी प्लेटफर्म एउटा यस्तो हो जसले तपाईलाई के चाहनुहुन्छ, त्यो सिर्जना गर्न धेरै स्वतन्त्रता ल्याउँछ। र, तपाईं बक्स अफिसमा प्रदर्शनको निरन्तर दबाबमा हुनुहुन्न।’

साथै यस्ता प्लेटफर्ममा भविष्यको करियर कामको सफलता वा असफलतामा निर्भर हुने समेत बताए। उनले थपे, ‘निस्सन्देह, यो माध्यममा सफलता र असफलता पनि हुन्छ। यदि मानिसहरूले यसको प्रशंसा गर्छन् भने त्यो ठूलो कुरा हो। उनीहरू यसलाई हेरिरहन्छन्, त्यो ठूलो कुरा हो। यदि उनीहरूले यसलाई दोस्रो पटक हेरे भने यो अझ राम्रो छ।’

भन्सालीले ‘हीरामन्डी’ ठूलो सफलता पाउने आशा व्यक्त गर्दै भने, ‘सामान्यतया मानिसले एउटा शृङ्खला दुई पटक हेर्दैनन्। मलाई आशा छ हिरामाण्डी यति सफल हुन्छ कि मानिसहरूले सबै एपिसोडहरू फेरि हेर्छन्। चाहे मानिसहरू बारम्बार वा खण्डहरूमा हेर्छन्, यो मेरो लागि महत्त्वपूर्ण छ कि उनीहरूले हेर्छन्

मलाई आशा छ ‘हीरामन्डी’। यति सफल हुन्छ कि मानिसहरूले सबै एपिसोडहरू बारम्बार हेरुन् वा खण्डहरूमा, यो मेरो लागि महत्त्वपूर्ण छ।’