युनिकोड
सुदर्शन थापा निर्देशित फिल्म ‘रावायण’ को शीर्ष गीत सार्वजनिक भएको छ। ‘रावायण’ बोलको गीतमा चर्चित भारतीय गायक नकाश अजिजको स्वर सुन्न सकिन्छ। अजिजले ‘पुष्पा २’ को टाइटल गीतमा समेत स्वर दिएका थिए।
कृष्णहरि बरालको शब्द रचना रहेको गीतमा आरती सिंहको संगीत कम्पोज रहेको छ। गीतमा हिन्दीसहित नेपाली भाषाको समिश्रण गरिएको छ। गीतको अडियोको काम भारतको मुम्बईमा गरिएको हो।
डान्सिङ प्याटनको गीतको भिडिओमा मुख्य कलाकार पल शाह र पूजा शर्मा फिचर्ड छन्। साथै निर्देशक सुदर्शन थापाको पनि अभिनय देख्न सकिन्छ।
विक्रम स्वारको कोरियोग्राफी रहेको भिडिओमा बलिउड र साउथ शैलीको नृत्य प्रस्तुत गरिएको छ। गीतको लयसहित गेटअप र डान्सको शैलीले यो फिल्म साउथबाट प्रभावित भएको देखिन्छ।
यस फिल्ममा पल, पूजा र सुदर्शनसहित प्रियंका कार्की, निकिता चण्डक, प्रमोद अग्रहरि, प्रकाश शाह, शर्मिला मल्ल लगायतको अभिनय रहेको छ।
पूजा शर्मा निर्माता रहेको यो फिल्म भदौ २१ गतेबाट रिलिज हुँदैछ।
प्रतिक्रिया