नीताको फिल्म ‘ह्रस्व-दीर्घ’ को रिलिज मिति सर्‍यो

फिल्म ‘ह्रस्व-दीर्घ’ को रिलिज मिति स्थगित भएको छ। अभिनेत्री तथा निर्मात्री नीता ढुंगानाले फेसबुकमार्फत रिलिज मिति सारिएको जानकारी दिएकी हुन्। 

फिल्मको मुम्बईमा सम्पादन कार्य चलिरहेको र प्राविधिकरुपमा थप बनाउनपर्ने भएकाले रिलिज मिति स्थगित गरिएको उल्लेख गरेकी छिन्। यसअघि यो फिल्म आगामी असोज ३ गते संविधान दिवसको अवसरमा रिलिज हुने बताइएको थियो। 

‘निर्धारित प्रदर्शन मिति असोज ३ मा आउने तयारीका बीच हाल मुम्बईमा पोस्ट प्रोडक्सनमा रहेको फिल्मको प्राविधिक टिमबाट फिल्मलाई थप उत्कृष्ट बनाउन विशेषतस् प्राविधिक कामहरू सम्पन्न गर्न थप समय लाग्ने भनि केहि समय माग भइ आएकोले उक्त मितिमा प्रदर्शनमा ल्याउन असमर्थ हुने निर्णयमा पुगेका छौं,’उनले लेखेकी छन्।
 
वितरण कम्पनिहरूसँग निरन्तर छलफल र संवाद अघि बढिरहेकोले यथाशीघ्र नयाँ प्रदर्शन मिति सार्वजनिक गरिने बताइएको छ।