‘होस्टेल-३’ को ‘टिक टिक टिक’ बोलको गीत सार्वजनिक (भिडिओ)

फिल्म ‘होस्टेल ३’ को गीत ‘टिक टिक टिक’ सार्वजनिक गरिएको छ। सार्वजनिक गीतमा फिल्मका सबै मुख्य कलाकारहरूको आकर्षक नृत्य छ। 
गीतमा अलमोडा राणा उप्रेतीको शब्द, सङ्गीत र स्वर रहेको छ। साथै सन्तोष राणाले र्‍याप भोकल दिएका छन्।

‘टिक टिक टिक, जाने समयसँग सिक साथी, ठिक ठिक ठिक, एक दिन हुन्छ सबै ठिक,’ यस गीतले कलेज जीवनका उतारचढावलाई सङ्गीतमय रूपमा उजागर गर्दै विविध पृष्ठभूमिका साथीहरूबीचको बन्धुत्वलाई मजबुत रूपमा प्रस्तुत गरिएको छ।

गीतको भिडिओमा चार अभिनेताहरू पारस बम (कुलब्वाई), रिहान गिरी, आशिष घिमिरे, र पदम तामाङ तथा अभिनेत्रीहरू सिम्रन पन्त, हेना नगरकोटी, र समा पराजुली फिचर्ड छन्। प्रविण सिंहले कोरियोग्राफी गरेको यो गीत सार्वजनिक भएसँगै टिकटक तथा रिल्समा ट्रेन्डिङ हुन थालेको छ भने युट्युबमा उत्साहजनक प्रतिक्रियाहरू आइरहेका छन्।

आगामी फागुन २३ गते रिलिज हुने ‘होस्टेल ३’ चर्चित चलचित्र शृङ्खला ‘होस्टेल’ को तेस्रो श्रृंखला हो। चलचित्रको निर्देशन सशान कँडेलले गरेका हुन् भने स्क्रिप्ट माधव शर्माले लेखेका छन्। कथा निर्देशक कँडेलकै हो।