युनिकोड
र्यापर मनोज ओलीले नयाँ र्याप गीत ‘कथा आज सुनाउँदैछु’ ल्याएका छन्। सार्वजनिक र्यापमा नेपाली समाजको यथार्थलाई देखाइएको छ।
जुनसुकै ‘तन्त्र’ र ‘वाद’ आए पनि धनी झन धनी हुँदै गएको र गरिबका दुःख झन बढ्दै गएको कुरा छ।
गणतन्त्र आएपछि गरिबका दिन फर्किन्छन् भनेर राजनीति गर्नेहरू पनि सत्तामा पुगेपछि केही परिवर्तन नभएको गुनासो र्यापमा सुन्न सकिन्छ।
राजनीतिक दलले देखाएको आश्वासन र व्यवस्था फेरिए पनि नफेरिएको अवस्थालाई र्यापले जीवन्त रूपमा चित्रण गरेको छ। राजनीतिक परिवर्तनपछि पनि एक छाक खान र न्यूनतम शिक्षा र स्वास्थ्यबाट पनि बञ्चित हुनु परिरहेको विद्यमान अवस्थालाई चित्रण गरेको छ।
गीतको भिडिओमा मुुकुन भुुसाललगायत कलाकारको अभिनय छ। भिडिओलाई निकेश खड्काले निर्देशन गरेका छन्।
प्रतिक्रिया