सकियो दयाहाङ अभिनीत ‘मिरमिरे’को छायांकन

यम शेर्पाको निर्देशित फिल्म ‘मिरमिरे’को छायांकन सकिएको छ। काभ्रेका विभिन्न स्थान र मकवानपुरको चित्लाङमा ३५ दिन लगाएर फिल्मको सुटिङ गरिएको हो। 

यद्धपी, फिल्मको एउटा गीतको छायांकन गर्न बाँकी छ। यार्सा फिल्म्सको प्रस्तुति रहेको फिल्मको मुख्य भूमिकामा दयाहाङ राई, प्रकाश सपुत र सिर्जना निङलेखु छन्। फिल्ममा माओत्से गुरुङ, छुल्ठिम गुरुङ, भोलाराज सापकोटा, बाल–कलाकारमा शाइसा गौचन, दिविशा पन्त, चिराग श्रेष्ठ र नमनराज गजुरेलको अभिनय छ। 

‘मिरमिरे’को निर्देशन सँगै स्टोरी पनि यम स्वयंले लेखेका छन। यस फिल्मलाई आलोक शुक्लाले खिँचेका हुन्। 

निमु शेर्पा, छोङ्बा लामा शेर्पा र आङ्छिरिङ शेर्पा निर्माता रहेको ‘मिरमिरे’का सह–निर्मातामा गोविन्द बोहरा, सुदिप कुँवर छन् । आगामी माघ १ गतेलाई रिलिज डेट तोकिएको छ।