विपिन र केकीको मुख्य भूमिका रहेको फिल्म ‘काजी’को छायांकन सुरु

विपिन कार्की र केकी अधिकारीको मुख्य भूमिकामा फिल्म ‘काजी’को छायांकन सुरु भएको छ। शुक्रबार दक्षिणकाली मन्दिरमा शुभमुहूर्तसँगै स्याङ्जामा आजबाट सुटिङ सुरु भएको हो। 

यस लभस्टोरी फिल्ममा लक्ष्मण रिजालको निर्देशन रहेको छ। यही सिनेमाबाट करिब ८ वर्षपछि निर्देशनमा फकेका हुन्। आफुले खोजेको जस्तै स्कृप्ट पाएकाले निर्देशनमा कमव्याक गर्न तयार भएको निर्देशक रिजाल बताए।

उनले यसअघि ‘कसम’, ‘धुँवा यो नसा’, ‘अलबिदा’, ‘कायरा’ लगायतका सिनेमा निर्देशन तथा ‘डिसेम्बर फल्स’ र ‘गणपति’ को निर्माण गरेका थिए ।

आरएण्डआर प्रोडक्सनको व्यानरमा निर्माण हुने फिल्मको निर्माता सोसलराम प्रसाद रिजाल हुन्। यो सिनेमाको छायांकनको लागि स्याङ्जामा लाखौं खर्च गरेर एउटा गाउँको सेट नै निर्माण गरिएको उनले जानकारी दिए ।