रिमेक भर्सनमा आयो कालजयी गीत ‘सिन्धुली गढी घुमेर हेर्दा’

लोकप्रिय गीत ‘सिन्धुली गढी घुमेर हेर्दा’को रिमेक भर्सन सार्वजनिक गरिएको छ। ‘सिन्धुलीगढी घुमेर हेर्दा’लाई ४६ वर्षपछि नयाँ  स्वरुपमा म्युजिक नेपालको युट्युब च्यानलमार्फत सार्वजनिक गरिएको हो ।

२०३६ सालमा रेडियो नेपालमा रेकर्ड भई प्रथम पुरस्कार जित्न सफल भएको थियो। कृष्ण विक्रम थापाको शब्द, संगीत र स्वर रहेको  यो कालजयी गीत ‘सिन्धुली गढी घुमेर हेर्दा सुन्तलीमई’लाई राजु थापाले रिमेक गरेका हुन्। रि–एरेन्ज रुविन कुमार श्रेष्ठले गरेका छन्  ।

राजु स्वर्गीय कृष्ण विक्रम थापाका जेठा छोरा हुन् । यो गीतमा शब्द, संगीत र स्वर कृष्णविक्रम थापाले दिएका थिए ।

आम नेपालीको जिव्रोमा झुन्डिएको लोकप्रिय गीत हो। सिन्धुलीको ऐतिहासिक र सांगीतिक पहिचान बोकेको यस गीतको भिडियो छायांकन पनि सिन्धुली जिल्लाकै रमणीय स्थानहरूमा गरिएको हो। बासु बरालको सिनेमेटोग्राफी रहेको भिडिओ निर्देशन क्रान्ति केसीले गरेका छन् ।