युनिकोड
हालै भारतीय अभिनेत्री रश्मिका मन्दना र विजय देवरकोन्डा वैवाहिक बन्धनमा बाँधिए। उनीहरू प्रेम र बिहेका कारण सामाजिक सञ्जालमा चर्चाको विषय बनेका छन्।
यसैबीच, रश्मिकाले आफ्नो प्रेमबारे सामाजिक सञ्जालमा लेखिएको नोट पढेपछि भावुक भएकी छन्। आफ्नो भावना व्यक्त गर्दै त्यस नोटले उनलाई गहिरो प्रभाव पारेको सुनाइन्। साथै उनले बन्धनमा होइन, स्वतन्त्र महसूस गराउने प्रेम खोज्न समेत फ्यानहरूलाई सल्लाह दिएकी छन्।
मार्च ९ मा एक फ्यानले विजय र रश्मिकाको विवाहको तस्बिरहरू साझा गर्दै उनीहरूको जोडीलाई स्वार्थी युगमा साँचो प्रेमको उदाहरण भने। नोटमा भनिएको छ कि रश्मिका विजयलाई हेर्ने तरिका प्रशंसा र प्रेमको सबैभन्दा इमान्दार प्रमाण हो।
यो पढेपछि रश्मिकाले आफूलाई रोक्न सकिनन्। धेरै समयपछि कुनै कुराले उनलाई यति धेरै भावुक बनाएको छ। उनले भावुक हुँदै इन्स्टाग्राममा लेखेकी छन्, ‘लामो समयदेखि मेरो बारेमा लेखिएको कुनै पनि कुराले मलाई यति धेरै प्रभावित पारेको छैन। म धेरै कुरा भन्न चाहन्छु तर शब्दहरू कम छन्। म मेरो ठाउँ खोज्दै छु र म यो यात्राको लागि आभारी छु। म प्रेमको बारेमा यति मात्र भन्न सक्छु कि त्यो प्रेम खोज्नुहोस् जसले तपाईंलाई स्वतन्त्र बनाउँछ।’
रश्मिकाले आफ्नो र विजयको सम्बन्धको गहिराइलाई यति सुन्दर ढंगले पहिचान गर्ने प्रयोगकर्तालाई पनि धन्यवाद दिइन्।
प्रतिक्रिया