र्‍याप शो ‘द र्‍यापर: लेट द भर्स स्पिक’ को घोषणा, मुख्य निर्णायकमा गिरीश खतिवडा

नेपाली हिप-हप संगीतलाई नयाँ उचाइमा पुर्‍याउने लक्ष्यसहित ‘द र्‍यापर: लेट द भर्स स्पिक’ सिजन १ को घोषणा गरिएको छ। यो नेपालकै पहिलो कमर्शियल र्‍याप रियालिटी शो भएको निर्माणटिमको दाबी छ। 

एनएक्सजी इन्टरटेनमेन्टको आयोजना रहेको शोको निर्देशन युवराज  साउद हुन्। शो आगामी जेठ दोस्रो सातादेखि प्रसारण गरिने भनिएको छ तर मिति तोकिएको छैन। शोमा जम्मा २० एपिसोड रहनेछन्। 

डिजिटल अडिसनमार्फत देशभरबाट उत्कृष्ट ६४ जना प्रतिस्पर्धी छनोट गरिएको छ। उनीहरूले आफ्ना लिरिक्स, संगीत, कम्पोजिसन र र्‍याप क्षमतालाई फरक-फरक शैलीमा प्रस्तुत गर्नेछन्।

शोका मुख्य निर्णायक को रूपमा गिरीश खतिवडा (गोर्खाली जी) रहेका छन्। उनले शब्द, संगीत, प्रस्तुति, टेक्निकल पक्ष र बहुआयामिक क्षमताका आधारमा प्रतिस्पर्धीहरूको मूल्याङ्कन गर्नेछन्।