जेठ १५ गते रिलिज हुने फिल्म ‘रोल नं. १’ ले ल्यायो नयाँ गीत

जेठ १५ गतेबाट रिलिज हुने फिल्म ‘रोल नं १’ को नयाँ गीत सार्वजनिक भएको छ। फिल्ममा समावेश ‘मेरो लागि तिमी’ बोलको इमोस्नल गीत सार्वजनिक भएको हो।

गीतमा प्रशान्त शिवाकोटीको शब्द, संगीत तथा स्वर छ। गीतले सन्तानका लागि आमाबुबा र आमाबुबाका लागि सन्तान कति महत्वपूर्ण छन् भन्ने प्रस्तुत गरेको छ। सन्तानका लागि आमाबुबा नै ईश्वर र मन्दिर हुन् भन्ने वास्तविकता यो गीतको मुख्य सन्देश रहेको छ।

सन्तानको खुुसी र उज्वल भविष्यका लागि जस्तो सुकै हन्डर र दुःख सहन तयार अभिभावकलाई केन्द्रमा राखेर तयार भएको गीतले सिनेमाले दर्शकलाई के देखाउँदैछ भनेर प्रस्ट संकेत गरेको छ। गीतले यो सिनेमाले आम नेपाली ग्रामीण समुदायका गरिब परिवारको कथा भन्ने संकेत गरेको छ ।

गीतको भिडिओमा फिल्मका मुख्य कलाकार फिचर्ड छन्। भिडिओमा फिल्मका फुटेज  समावेश गरिएको छ। विनोद पौडेलको निर्माण रहेको यस फिल्मले विद्यार्थीको मनोविज्ञानको कथा भन्नेछ। अहिलेको शैक्षिक प्रणालीले बालमनोविज्ञानमा पार्ने नकारात्मक प्रभाव र त्यसले उसको समग्र जिन्दगीमा पार्ने असरको कथा यो सिनेमामा समेटेको बताइएको छ ।