आमिर खानले गरे तेस्रो बिहे

बलिउड अभिनेता आमिर खानले बिहे गरेका छन्। उनले प्रेमिका गौरी स्प्रेटसँग मुम्बईको पाली हिल (बान्द्रा) स्थित निजी घरमा विवाह गरेका हुन्। 

विवाह समारोहका तस्बिरहरू सार्वजनिक भएका छन्, जहाँ आमिर-गौरी परिवारका अन्य सदस्यहरूसँगै पत्रमा हस्ताक्षर गरिरहेको देख्न सकिन्छ। विवाहमा आमिरका छोरा जुनैद पनि सहभागी देखिन्छन्।

आमिरको यो तेस्रो विवाह हो। यसअघि उनले रिना दत्त र किरण रावसँग विवाह गरेका थिए। पछि यी दुई जनासँगको वैवाहिक सम्बन्धमा दरार आयो।

आमिरजस्तै, गौरीको पनि पहिले विवाह भएको थियो। उनको ७ वर्षको बच्चा छ।