युनिकोड
आगामी भदौ १२ गतेबाट रिलिज हुने फिल्म ‘पार्वती’ को हाल धमाधम डबिङ कार्य भइरहेको छ। फिल्मकी मुख्य अभिनेत्री दीपाश्री निरौलाले आफ्नो भागको डबिङ सकाएकी छन्।
डबिङका क्रममा उनले फिल्मको कथा आफूले सोचेभन्दा पनि उत्कृष्ट बनेको भन्दै खुशी व्यक्त गरिन्। फिल्मको फरक शैली र मन छुने पटकथाले आफ्नो मन छोएको अनुभव उनले साटेकी छन्।
अभिनेत्री दीपाश्रीलाई डबिङ गराइरहेकी यस फिल्मकी कथाकार तथा निर्देशक नीता ढुङ्गाना अधिकारी पनि उत्तिकै उत्साहित छिन्। आफूले कल्पना गरेभन्दा राम्रो फिल्म बनिरहेको भन्दै उनले दीपाश्री लगायत सम्पूर्ण टिमप्रति आभार प्रकट गरेकी छन्।
‘नीता फिल्मस्’ को ब्यानरमा निर्माण भएको यस फिल्ममा निर्देशक नीतासहित दीपाश्री निरौला, अशोक दर्जी, सिरु विष्ट, राधिका कँडेल, राज पंगेनी शर्मा, राजेन्द्र नेपाली र आशा पौडेल लगायतको मुख्य अभिनय रहेको छ।
हरिहर अधिकारी निर्माता रहेको यस फिल्मको स्क्रिप्ट शिवम् अधिकारीले लेखेका हुन् भने शंकर पाण्डे कार्यकारी निर्माता तथा प्रोडक्सन म्यानेजरको भूमिकामा छन्।
यसअघि यही ब्यानरबाट ‘ह्रस्वदीर्घ’ फिल्म निर्माण भएको थियो।
प्रतिक्रिया