युनिकोड
टर्कीले २०२४ को पहिलो दिनदेखि कर्मचारीको मासिक न्यूनतम पारिश्रमिक ४९ प्रतिशतले बढाएर १७ हजार टर्किस लिरा (५७८.४ अमेरिकी डलर) पुर्याउने निर्णय गरेको छ। देशका श्रम तथा सामाजिक सुरक्षा मन्त्री वेदात इसिखानले बुधबार उक्त घोषणा गरेका हुन्।
योसँगै गत आ.व.को तुलनामा खुद न्यूनतम पारिश्रमिक ४९ प्रतिशतले र गत वर्षको तुलनामा शतप्रतिशतले बढेको छ।
देशको न्यूनतम पारिश्रमिक निर्धारण आयोगले धेरै छलफल गरेपछि उक्त निर्णय गरिएको श्रम तथा सामाजिक सुरक्षा मन्त्री इसिखानले बताए।
टर्कीले यसअघि १ जुलाई २०२३ देखि सुरु हुने मासिक न्यूनतम ज्याला ३४ प्रतिशतले बढाएर ११ हजार ४०२ लिरा पुर्याएको थियो।
श्रमिकहरूको तर्फबाट सरकारसँगको वार्तामा सहभागी टर्किस ट्रेड युनियनहरूको कन्फेडेरेसनका अध्यक्ष एर्गुन अटालेले श्रमिकहरूको अपेक्षित न्यूनतम पारिश्रमिक १८ हजार लिरा रहेको बताए। -सिन्ह्वा/नान
प्रतिक्रिया