युनिकोड
इन्डोनेसियाको राष्ट्रपति चुनावमा वर्तमान रक्षामन्त्री प्रबोवो सुबियान्तोले राष्ट्रपति पदको दौडमा बलियो अग्रता लिएका छन्।
बुधबार सकिएको मतदानपछि सर्वेक्षणकर्ताहरूको प्रारम्भिक नतिजाले यस्तो देखाएको हो। तर आधिकारिक नतिजा आगामी महिनासम्म आउने छैन।
कम्तीमा दुई स्वतन्त्र मतदाता सर्वेक्षकले ‘द्रूत गणना’ का लागि मतदान केन्द्रहरूमा मतपत्रहरूको नमूना सङ्कलन गरेका थिए।
करिब दुईतिहाइ नमूना मतगणना गर्दा सुबियान्तोलाई ५५ प्रतिशतभन्दा धेरै मत आएपछि उनको विजय विश्वसनीय देखाएको थियो।
पोलस्टर पोलट्र्याकिङले प्रारम्भिक गणनामा उहाँलाई ५९ दशमलव ७७ प्रतिशत र साइरस नेटवर्क–सिएसआइएसले ५८ दशमलव ६२ प्रतिशत देखाएको छ।
सुबियान्तोले आफ्ना प्रतिद्वन्द्वीहरू अनिस बास्वेदन र गान्जर प्रणवोमाथि राष्ट्रपति पद सुरक्षित गर्नका लागि मुलुकको ३८ प्रान्तमा खसालिएको भोटको आधाभन्दा धेरै अर्थात ५० प्रतिशतभन्दा माथि भोट ल्याउनुपर्ने आवश्यकता छ।
एक पुस्ताअघि सुहार्तो तानाशाहीको समयमा सैन्य प्रमुख रहनुभएका ७२ वर्षीय सुबियान्तोले बुधबार साँझ समर्थकहरूलाई सम्बोधन गर्ने कार्यक्रम थियो।
उनले लोकप्रिय निवर्तमान राष्ट्रपति जोको विडोडोको स्थान लिन प्रतिस्पर्धा गरिरहेका छन्। विडोडोले अप्रत्यक्षरूपमा सुबियान्तोको अभियानलाई समर्थन गरेको पर्यवेक्षकहरूले दावी गरेका छन्।
पपुआको अशान्त क्षेत्रमा आठ लाख मतदान केन्द्रमा मतदान सुरु भयो र मुलुकको अर्को भागमा जङ्गलले ढाकिएको सुमात्रामा समाप्त भयो। जाकर्ताका केही स्टेसनहरू आँधीका कारण डुबानमा परेपछि मतदान खुला भयो।
स्थिर आर्थिक विकासको अध्यक्षता गर्नुभएका तर संवैधानिक दुई कार्यकालको सीमामा पुग्नुभएका विडोडोका नीतिहरूलाई निरन्तरता दिने प्रतिज्ञाका साथ लोकप्रिय बयानबाजीको मिश्रित अभियानपछि ७२ वर्षीय वृद्ध सुबियान्तो स्पष्ट मनपर्ने थिए।
सन् १९९८ मा सुहार्तोको तानाशाहीको समाप्तिपछि यो पाँचौँ राष्ट्रपति निर्वाचन हो। निर्वाचनमा करिब २० करोड ५० लाख मतदान गर्न योग्य थिए।
प्रतिक्रिया