अमेरिकाले भन्यो- हसिनाको सत्ता खोसिनुमा हाम्रो कुनै हात छैन (भिडिओ)

अमेरिकाले बंगलादेशमा शेख हसिनाको सरकार ढाल्नुमा आफ्नो भूमिका रहेको आरोपलाई कडाइका साथ अस्वीकार गरेको छ। अमेरिकाले यसलाई अफवाह भनेको छ।

ह्वाइट हाउसका प्रेस सेक्रेटरी करिन जिन पियरेले यसमा आफ्नो देश (अमेरिका) को कुनै संलग्नता नभएको प्रतिक्रिया दिएकी हुन्। 

उनले भनिन्, ‘हालैका घटना (बंगलादेशमा सत्ता परिवर्तन) मा अमेरिकी सरकारको हात छैन, सबै अफवाह हो।’ 

उनले थपिन्, ‘यो विकल्प बंगलादेशका नागरिक आफैँले रोजेका हुन्। बंगलादेशको भविष्य त्यहीँका जनताले निर्धारण गर्नुपर्छ भन्ने हाम्रो मान्यता छ। हामीले यसो भनेका छौँ र भनिरहनेछौँ– कुनै पनि आरोपमा सत्यता छैन।’

भिडिओ-

#WATCH | Bangladesh issue | White House Press Secretary, Karine Jean Pierre says, "We have had no involvement at all. Any reports that the United States govt was involved in these events are rumours and are simply false. This is a choice for and by the Bangladeshi people. We… pic.twitter.com/2NypQ4fZwt

— ANI (@ANI) August 12, 2024

बंगलादेशका विद्यार्थीले स्वतन्त्रता सेनानीका सन्तानलाई सरकारी जागिरमा दिने गरिएको आरक्षणको विरोधमा केही महिनादेखि प्रदर्शन गरिरहेका थिए। जुन यति चर्कियो कि प्रधानमन्त्री शेख हसिना यही अगस्ट ५ मा देशै छाडेर भाग्न बाध्य भइन्। अहिले उनी भारतमा छिन्। 

हसिनाले देश छाडेपछि बंगलादेशमा नोबेल पुरस्कार विजेता मोहम्मद युनुसको नेतृत्वमा अन्तरिम सरकार गठन गरिएको छ।