युनिकोड
अदानी समूहको कम्पनी अदानी ग्रिन इनर्जीले श्रीलंकामा रहेको आफ्नो १ अर्ब डलरको वायु ऊर्जा परियोजनाबाट पछि हट्ने निर्णय गरेको छ।
कम्पनीले धेरै आवश्यक स्वीकृति प्राप्त गरे तापनि केही वातावरणीय स्वीकृति प्राप्त गर्न ढिलाइ भएको र श्रीलंकाको सर्वोच्च अदालतमा विचाराधीन मुद्दाका कारण परियोजनाबाट पछि हटिरहेको बताएको छ।
अदानी ग्रिन इनर्जीले विज्ञप्तिमार्फत यस विषयमा पुन: वार्ता गर्न वार्ता समिति र परियोजना समिति गठन गरिने जनाएको छ।
कम्पनीले भनेको छ, ‘हामी श्रीलंकाको सार्वभौमसत्ता र यसको निर्णयको सम्मान गर्छौं, त्यसैले हामी सम्मानपूर्वक यो परियोजनाबाट पछि हटिरहेका छौँ।’
यो परियोजना श्रीलंकाको मन्नार र पुनेरिनमा ४८४ मेगावाटको वायु ऊर्जा परियोजना स्थापना गर्नुका साथै २२० केभी र ४०० केभी प्रसारण नेटवर्कको विस्तारमा केन्द्रित थियो।
प्रतिक्रिया