युनिकोड
अमेरिकाका राष्ट्रपति डोनाल्ड ट्रम्पले नेटोमार्फत युक्रेनमा हतियार पठाउने बताएका छन्।
जसमा प्याट्रियट वायु रक्षा प्रणाली पनि हुनेछन्।
ट्रम्पले एनबीसी न्युजसँग भनेका छन्, ‘नयाँ सम्झौतामा हामी प्याट्रियटलाई नेटोमा पठाउनेछौँ र त्यसपछि नेटोले यसलाई वितरण गर्नेछ।’
साथै ट्रम्पले यी हतियारहरूको मूल्य नेटोले चुकाउने कुरा पनि स्पष्ट पारे।
युक्रेनका राष्ट्रपति भोलोदिमिर जेलेन्स्कीले ट्रम्पसँग कुराकानी 'सकारात्मक' भनेपछि उक्त घोषणा भएको हो।
गत हप्ता युक्रेनी सहरहरूमा रुसका ड्रोन र मिसाइल आक्रमण व्यापक भएपछि जेलेन्स्कीले १० प्याट्रियट प्रणाली मागेका थिए।
'नेटो' युरोप र उत्तर अमेरिकी देशहरूको सैन्य गठबन्धन हो।
प्रतिक्रिया