युनिकोड
पाकिस्तानको विदेश मन्त्रालयले अफगानिस्तानस्थित तालिबान सरकारको अनुरोधमा ४८ घण्टाको युद्धविराम घोषणा गरिएको पुष्टि गरेको छ।
बीबीसी उर्दुका अनुसार, तालिबान प्रवक्ता जबिहुल्लाह मुजाहिदले युद्धविरामको पुष्टि गरेका छन्।
पाकिस्तानको विदेश मन्त्रालयका अनुसार, आज साँझ ६ बजे (स्थानीय समय) देखि युद्धविराम लागु भएको हो। तालिबानको अन्तरिम सरकारले पनि यस अवधिमा वार्ताका लागि अनुरोध गरेको छ।
पाकिस्तानले अफगान तालिबानको अनुरोधमा युद्धविराम लागु भइरहेको दाबी गरेको छ भने अफगान तालिबानका प्रवक्ताले पाकिस्तानको अनुरोधमा चाहिँ युद्धविराम लागु भइरहेको दाबी गरेका छन्।
यसअघि बुधबार पाकिस्तानले धेरै अफगान चौकी ध्वस्त पारेको दाबी गरेको थियो।
पाकिस्तानी सेनाको इन्टर-सर्भिसेज पब्लिक रिलेसन्स (आईएसपीआर) ले विज्ञप्ति जारी गर्दै अफगान तालिबानले अक्टोबर १५ को बिहान आक्रमण गरेको र जवाफी कारबाहीमा १५-२० आक्रमणकारी मारिएको दाबी गरेको छ।
प्रतिक्रिया