युनिकोड
लेबननको सरकारी राष्ट्रिय समाचार एजेन्सीले बुधबार बताएअनुसार दक्षिणी लेबननको अल-तिरी गाउँमा इजरायलले आक्रमण गर्दा दुई जनाको मृत्यु भएको छ।
यसको एक दिनअघि इजरायली सेनाले लेबननका बासिन्दालाई लितानी नदी, वादी अल-सलुकी र वादी अल-सलहानीबाट टाढा रहन चेतावनी दिएको थियो।
इजरायली सेनाले त्यहाँ 'हेजबुल्लाह आतंकवादी गतिविधि' जारी रहेको दाबी गरेको थियो।
इजरायल र लेबननबिच यही अप्रिल १६ मा १० दिनका लागि युद्धविराम घोषणा गरिएको थियो।
आज (बिहीबार) अमेरिकाको राजधानी वासिङटनमा पनि राजदूतस्तरीय वार्ता हुने कार्यक्रम छ।
हेजबुल्लाह र इजरायल दुवैले एकअर्कालाई युद्धविराम सम्झौता उल्लंघन गरेको आरोप लगाएका छन्।
इजरायली सेनाले पहिले भनेको थियो- हेजबुल्लाहले दक्षिणी लेबननमा इजरायली सेनामाथि आक्रमण गरेको छ।
प्रतिक्रिया