युनिकोड
अन्तत: अभिनेतासमेत रहेका तमिलगा भेट्री कजगम (टीभीके) का प्रमुख थालापति विजय तमिलनाडुको मुख्यमन्त्री बन्ने निश्चित भएको छ।
उनले सरकार गठनका लागि ११८ सांसद (विधायक) को समर्थन जुटाएर तमिलनाडुका राज्यपाल राजेन्द्र विश्वनाथ अर्लेकरसमक्ष मुख्यमन्त्री पदको दाबी पेस गरेका हुन्।
भारतीय सञ्चारमाध्यमका अनुसार उनले टीभीके, कांग्रेस, सीपीआई, सीपीआई (एम) र भीसीकेका गरी कुल ११८ विधायकको समर्थनपत्र शुक्रबार राज्यपालसमक्ष बुझाएका हुन्। जसलाई राज्यपाल अर्लेकरले अनुमोदन गरेका छन्।
अब विजयले शनिबार मुख्यमन्त्री पदको शपथ लिने सम्भावना छ।
तमिलनाडु विधानसभाका २३४ सिटमध्ये विजयको पार्टी टीभीकेले १०८ सिट जितेको थियो। तर विजयले दुई स्थानमा जितेका सिट पनि यसमा समावेश भएकाले एउटा छाड्नुपर्नेछ।
जसले गर्दा टीभीकेका कुल विधायकको संख्या १०७ मात्र हो।
यसमा कंग्रेसका ५ र सीपीआई, सीपीआई (एम) र भीसीकेका २-२ विधायक मिलाएर विजयले बहुमत पुर्याएका हुन्।
प्रतिक्रिया