युनिकोड
भारतका वरिष्ठ कंग्रेस नेता तथा पूर्वगृहमन्त्री शिवराज पाटिलको निधन भएको छ।
भारतीय सञ्चारमाध्यमका अनुसार ९० वर्षको उमेरमा आज (शुक्रबार) बिहान ६:३० बजे (भारतीय समय) लातुरमा उनको निधन भएको हो।
केही दिनदेखि बिरामी उनी लातुरनजिकैको देवघरस्थित आफ्नै घरमा उपचाररत थिए।
पाटिल लातुर लोकसभा क्षेत्रबाट सातपटक सांसद बनेका थिए। शिवराजलाई इन्दिरा गान्धी र राजीव गान्धीको विश्वासपात्र मानिन्थ्यो।
उनी १९८० को दशकमा इन्दिरा र राजीव सरकारमा रक्षामन्त्री बनेका थिए।
सन् १९९१ देखि १९९६ सम्म लोकसभाको १०औँ सभामुख रहेका उनी २००४ देखि २००८ सम्म भारतको गृहमन्त्री बनेका थिए।
तर २००८ नोभेम्बर २६ मा मुम्बईमा आतंकवादी हमला भएपछि सुरक्षा कमजोरीको नैतिक जिम्मेवारी लिँदै उनले राजीनामा दिएका थिए।
प्रतिक्रिया