अमेरिकाको पोर्टल्यान्ड (ओरेगन) बाट ओन्टारियो (क्यालिफोर्निया) गइरहेको अलास्का एयरलाइन्सको विमानमा एउटा अनौठो घटना भएको छ।
बीबीसीका अनुसार हावाको दबाबमा उडानकाे एक भाग विमानबाट भाँचियो र अलग भयो तर, विमान सुरक्षित अवतरण भएको छ।
स्थानीय समयानुसार शुक्रबार साँझ उक्त दुर्घटना भएको हो ।
अलास्का एयरलाइन्सले जारी गरेको विज्ञप्तिमा १७१ यात्रु र ६ जना चालक दलका सदस्य सवार उक्त विमान पोर्टल्यान्ड अन्तर्राष्ट्रिय विमानस्थलमा सकुशल अवतरण भएको बताइएको छ।
— Alaska Airlines (@AlaskaAir) January 6, 2024AS1282 from Portland to Ontario, CA experienced an incident this evening soon after departure. The aircraft landed safely back at Portland International Airport with 171 guests and 6 crew members. We are investigating what happened and will share more as it becomes available.
अलास्का एयरलाइन्सले विज्ञप्ति जारी गरेर भनेको छ, ‘पोर्टल्यान्ड, ओरेगनबाट क्यालिफोर्नियाको ओन्टारियोका लागि अलास्का एयरलाइन्सको फ्लाइट १२८२ शुक्रबार साँझ टेकअफ भएको केही समयपछि एउटा घटना भयो। विमानमा १७१ यात्रु र ६ जना चालक दलका सदस्य सवार थिए।’
विज्ञप्तिमा अगाडि भनिएको छ, ‘हाम्रा यात्रु र कर्मचारीको सुरक्षा सधैँ हाम्रो प्राथमिकता हो। तथापि, यस प्रकारको घटना दुर्लभ हो। हाम्रो टोलीलाई त्यस्ता परिस्थिति ह्यान्डल गर्न तालिम दिइएको छ। घटना कसरी भयो भन्ने विषयमा अनुसन्धान गरिरहेका छौँ, थप जानकारी आएपछि सार्वजनिक गर्नेछौँ।’
उक्त विमान निर्माण गर्ने बोइङ एयरलाइन्सले पनि विज्ञप्ति जारी गरी आफूहरू यस दुर्घटनाप्रति सचेत रहेको र आफ्ना ग्राहकबाट थप जानकारी संकलन गरिरहेको जनाएको छ।
मानिसहरूले उक्त विमानका तस्बिर र भिडिओ सोसल मिडियामा सेयर गरेका छन्।
हेर्नुहोस्-
Alaska Airlines, a part of the plane broke off and sucked a seat out with it.
— Jack (@JackFought_1) January 6, 2024
The seat was unoccupied thankfully.
What a terrible way to go that would be.#AlaskaAirlines #Planepic.twitter.com/mZPMKpGjV8
Shares
प्रतिक्रिया