रामदेव र बालकृष्णले दोस्रोपटक मागेको माफी पनि सर्वोच्च अदालतद्वारा खारेज

भ्रामक विज्ञापनसम्बन्धी मुद्दामा पतञ्जलि आयुर्वेदका संस्थापक रामदेव र प्रबन्ध निर्देशक बालकृष्णले दोस्रोपटक मागेको माफी पनि भारतको सर्वोच्च अदालतले खारेज गरेको छ।

यो सुनुवाइ पतञ्जलिको भ्रामक विज्ञापनविरुद्ध इन्डियन मेडिकल एसोसिएसनको याचिकामा भएको हो।

सर्वोच्च अदालतले यस मुद्दाको सुनुवाइ १६ अप्रिलसम्मका लागि स्थगन  गरेको छ।

न्यायाधीश हिमा कोहलीले भनिन्, ‘हामी माफीसँग सन्तुष्ट छैनौँ।’

पछिल्लो सुनुवाइमा सर्वोच्च अदालतले रामदेव र बालकृष्णले मागेको माफीलाई अस्वीकार गर्दै अदालतको अवहेलना मुद्दामा जवाफ दिन भनेको थियो। 

अदालतले रामदेवविरुद्ध अवहेलनाको मुद्दा किन नदिने भनेको थियो। 

दुवै मुद्दामा आज (बुधबार) सुनुवाइ भएको हो। 

बुधवार सर्वोच्च अदालतले रामदेव र बालकृष्णले दिएको दोस्रो शपथपत्रमा भन्यो, ‘हामी उदार हुनु पर्दैन।’

सर्वोच्च अदालतले पतञ्जलिको भ्रामक विज्ञापनमा कारबाही नगरेकोमा उत्तराखण्ड सरकारको आलोचना पनि गरेको छ।

अदालतले भनेको छ, ‘कानुनअनुसार कारबाही गर्नुको सट्टा राज्यको इजाजतपत्र प्राधिकरणले केन्द्रलाई आफूले दिव्या फार्मेसीलाई चेतावनी दिएको मात्र जानकारी गराइरह्यो।’

पछिल्लो सुनुवाइमा सर्वोच्च अदालतले रामदेव र बालकृष्णप्रति असन्तुष्टि व्यक्त गरेको छ। 

न्यायाधीशद्वय हिमा कोहली र अहसानुद्दिन अमानुल्लाहको इजलासले रामदेव र बालकृष्णलाई भनेको छ, ‘तपाईंलाई अदालतमा दिइएका प्रतीज्ञा पालना गर्नुपर्नेछ, तपाईंले हरेक सीमा नाघिसक्नुभएको छ।’ 

अदालतले पनि यस कुरामा पनि आश्चर्य व्यक्त गर्दै भनेको छ, ‘जब पतञ्जलि कम्पनीले एलोप्याथीमा कोभिडको उपचार हुँदैन भनेर चर्को स्वरमा भनिरहेको थियो, तब केन्द्रले किन आँखा चिम्लेर बस्यो?’ बीबीसी हिन्दी