दिल्लीमा लगातार दोस्रो दिन भूकम्प

भारतको दिल्लीमा लगातार दोस्रो दिन शुक्रबार भूकम्प गएको छ।

भारतको राष्ट्रिय भूकम्प विज्ञान केन्द्र (एनसीएस) का अनुसार शुक्रबार साँझ ७:४९ बजे दिल्ली-एनसीआरमा ३.७ रेक्टर स्केलको भूकम्प गएको हो। 

एनसीएसका अनुसार, ‘भूकम्पको केन्द्रबिन्दु हरियाणाको झज्जरमा थियो। यसको गहिराइ जमिनबाट लगभग १० किलोमिटर तल थियो।’

यसअघि बिहीबार बिहान ९:०४ बजे दिल्ली-एनसीआरमा भूकम्प ४.४ रेक्टर स्केलको भूकम्प गएको थियो।