गएराति पश्चिम नेपालको जाजरकोटमा आएको भूकम्पमा परी घाइते भएकाहरूको उद्धार तथा पीडितलाई आवश्कय सहयोगका लागि राष्ट्रिय प्रजातन्त्र पार्टीका युवा नेताहरू त्यहाँ पुगेका छन्।
राप्रपाका सहायक महामन्त्री ऋषिराज देवकोटा लगायतको टोली अहिले नेपालगन्जमा खटिएको छ।
भूकम्पमा परी घाइते भएकाहरूको उपचारमा रगतको कमी हुन नदिन उनीहरू संगठित रुपमा परिचालित भएका हुन्।
राप्रपा उपाध्यक्ष तथा कर्णाली प्रदेश संयोजक मुकुन्दश्याम गिरी, केन्द्रीय सदस्य जनकसिंह ठकुरिको टोली त्रिपाल,खाद्यान्न, लत्ताकपडा र अन्य सामाग्रीसहित जाजरकोट गएको पार्टी प्रवक्ता मोहन श्रेष्ठले जानकारी दिए।
त्यस्तै, सुदुरपश्चिमका सबै कार्यक्रम स्थगित गरी अछामबाट प्रवक्ता ज्ञानेन्द्र शाहीको टोली पनि जाजरकोटतर्फ गएको छ।
शाही स्वयंसेवक टोली र कर्णाली स्वास्थ्य विज्ञान प्रतिष्ठानका चिकित्सकको टोली लिएर आजै जाजरकोट पुग्ने कार्यक्रम छ।
राप्रपाले भूकम्प प्रभावित क्षेत्रमा पुगी उद्धार कार्यमा संलग्न हुन, राहत र पुनस्स्थापनामा जुट्न पार्टीको सबै निकायमा सर्कुलर पनि गरेको छ।
Shares
प्रतिक्रिया