लकडाउनले भोकै जनावरलाई दानी हातको साथ (फोटोफिचर)

लकडाउनले दुई हप्ता पार गरिसकेको छ। विश्व महामारी कोरोना भाइरस फैलिने डरले सरकारले आह्वान गरेको लकडाउनपछि मानिसहरु घरभित्रै छन्। २/४ दिनको खाद्यान्न पुग्ने गरी सञ्चित गरेर मानिसहरुले जीवन धानिरहँदा राजधानीका विभिन्न धार्मिक स्थान र सडकका जनावरहरु भने भोकै हुनथालेका छन्।

बानियाँटारका निरज रायमाझी र उनको परिवारले जनावर भोकै भन्ने समाचार सुने–पढेपछि दैनिकजसो ती जनवरलाई खुवाउने काम गरिरहेका छन्। पेशाले विद्युतीय सामान व्यवसायी दिलीप रायमाझी सरकारले यी जनावरको पनि ख्याल गर्नुपर्ने बताउँछन्।

यसरी केही दानी हातहरु फाट्टफुट्ट पुगेर पशुपति, स्वायम्भूलगायतका बाँदरलाई आहार खुवाउँछन् तर त्यतिले पुग्ला त! सडकपेटीमा राखेका गमलामा हरेक बिहान ट्यांकरै बोकेर पानी हाल्न पुग्ने महानगरले संकटको घडीमा यी जीवजन्तुलाई पनि आहार खुवाउन आवश्यक छ।