राजनीति


एमाले कैलालीकाे अधिवेशनमा हात हालाहाल, निर्वाचन स्थगित

एमाले कैलालीकाे अधिवेशनमा हात हालाहाल, निर्वाचन स्थगित

गोकुल जोशी
पुस २५ , काठमाडौँ

कैलालीमा नेकपा (एमाले)का दुई  पक्षका कार्यकर्ताबीच अधिवेशनस्थलमै हात हालाहाल भएको छ। 

निर्वाचन प्रक्रियामा ढिलाइ भएको भन्दै उत्पन्न विवादमा अध्यक्षका उम्मेदवारद्वय रतन थापा र रणबहादुर चन्द पक्षीय कार्यकर्ताबीच आइतबार बेलुका धकेलाधकेल भएको हो।

अध्यक्षका उम्मेदवार थापा र चन्द पक्षीय कार्यकर्ताबीच धकेलाधकेल तथा नाराबाजी भएको छ। आक्रोशित कार्यकर्ताले अधिवेशनस्थलमा तोडफोडसमेत गरेका छन्।

अध्यक्षमा थापा र चन्दको उम्मेदवारी परेको छ। एमाले कैलालीका अध्यक्ष थापा र उपाध्यक्ष चन्द प्यानलसहित चुनावी मैदानमा छन्।

अध्यक्षका आकांक्षी थापा, चन्द र डिजी पाण्डेबीच सहमति नजुटेपछि कैलालीको अधिवेशन निर्वाचनमा गएको थियो। चन्दलाई अध्यक्षका आकांक्षी पाण्डेले समर्थन गर्दै उनको प्यानलबाट सचिव पदमा उम्मेदवारी दिएका छन्।

शनिबार उम्मेदवारी दर्ता भएको निर्वाचन अन्तर्गत आइतबार निर्वाचन गर्ने कार्यतालिका तय भएको थियो।  

आइतबार बिहान ८ बजेका लागि तय भएको निर्वाचन सञ्चालनमा ढिलाइ गरेपछि अध्यक्ष रतन थापाले निर्वाचन समिति असक्षम भन्दै भाषण गर्दै अधिवेशनस्थलमा नाराबाजी गरेका थिए। 

अध्यक्षका अर्का उम्मेदवार रणबहादुर थापा पक्षले जथाभावी बोलेर प्रतिनिधिहरूलाई भड्काउन नपाइने भन्दै विरोध गरेपछि दुवै पक्षबीच वादविवाद भएको थियो। 

अहिले नयाँ नेतृत्व चयनका तय गरिएको निर्वाचन स्थगित भएको छ। सोमबार (भोलि) ८ बजेसम्मका लागि निर्वाचन प्रक्रिया स्थगित गरिएको नेकपा (एमाले) सुदूरपश्चिम प्रदेश सविच धर्मराज पाठकले बताए।

आवश्यक तयारी नपुगेपछि निर्वाचन प्रक्रिया स्थगित भएको उनको दाबी छ।

‘आज आवश्यक तयारी नपुगेकाले निर्वाचन प्रक्रिया स्थगित गरिएको हो,’ उनले नेपालखबरसँग भने, ‘मतपत्र सबै छापिएको छ। भोलि बिहान चुनाव हुन्छ।’

पुस २५, २०७८, आइतबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin: [email protected]
News: [email protected]

विज्ञापनका लागि सम्पर्क

+977 9851081116
[email protected]

जीवन बस्नेत
अप्रेसन म्यानेजर
सुरेन्द्र रिजाल
निर्देशक, अटो संस्करण
सविन पोखरेल
लेखा प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed by Curves n' Colors. Powered by .
ad ad