मन्त्री बन्ने विषयमा मलाई केही थाहा छैनः उपसभामुख तुम्बाहाम्फे

प्रतिनिधिसभाकी उपसभामुख शिवमाया तुम्बाहाम्फेले आफू मन्त्री बन्ने विषयमा आफैलाई केही जानकारी नभएको बताएकी छन्।

उपसभामुखबाट राजीनामा दिएर मन्त्री बन्न लागेको चर्चा चलिरहेका बेला नेपालखबरसँग कुरा गर्दै तुम्बाहाम्फेले आफूलाई मन्त्री बन्नुपर्छ भनेर कसैले नभनेको बताइन्। ‘मैले कसैलाई मन्त्री बनाइदिनु प¥यो भनेकी छैन र कसैले मलाई मन्त्री बन्नुपर्छ पनि भनेको छैन’, उनले भनिन्।

बुधबार हुने मन्त्रिपरिषद हेरफेरमा तुम्बाहाम्फे पनि मन्त्री बन्न लागेको चर्चा छ। तर, उनले यस विषयमा प्रधानमन्त्री ओली र पार्टीसँग कुनै छलफल नभएको बताइन्।

उपसभामुख शिवमायाले यसअघि पनि आफू मन्त्री भन्दा सभामुखका लागि उपयुक्त भएको बताउँदै आफ्नो पहिलो दावी मन्त्रीका लागि नभई सभामुखका लागि हुने बताउँदै आएकी छन्।