नेपाली कांग्रेस डडेल्धुराका पूर्वसभापति कर्ण मल्ल नेपाली कांग्रेस (बीपी) मा प्रवेश गरेका छन्।
कांग्रेस (बीपी) ले बुधबार आयोजना गरेको पार्टी प्रवेश समारोहमा उनी प्रवेश गरेका हुन्।
मल्लले स्थानीय तह निर्वाचनमा डडेल्धुरामा कांग्रेस बीपीलाई सघाएका थिए।
कांग्रेस बीपीले डडेल्धुरामा नेकपा एमालेसँग चुनावी तालमेल गरेको थियो। स्थानीय तह निर्वाचनमा मल्ललाई पार्टी हितविपरीत गतिविधि गरेको भन्दै कांग्रेसले पार्टीबाट निकालेको थियो।
मल्ललाई कांग्रेस बीपीले वरिष्ठ उपसभापतिको जिम्मेवारी दिएको छ। उनीसँगै पार्टी प्रवेश गरेका डडेल्धुराका नेताद्वय हरिप्रसाद भट्ट र तहरिसिंह बोहरालाई केन्द्रीय सदस्य बनाइएको छ।
कांग्रेस बीपीका प्रवक्ता शिवप्रसाद सिमखडाका अनुसार केन्द्रीय पदाधिकारी बैठकले दाङका हेमन्तबहादुर मल्ललाई महामन्त्रीको जिम्मेवारी दिइएको छ।
बैठक पछि जारी विज्ञप्तिमा नागरिकता विधेयक अविलम्ब खारेज गर्न र बढ्दो महँगी नियन्त्रण गरेर जिविकोपार्जन सरल बनाउन सरकारसँग माग गरिएको छ।
देउवा दाजु, मलाई घरबाट निकाल्नु भयो, अब जनतामाझ जाँदैछु : कर्ण मल्ल
Shares
प्रतिक्रिया