पूर्वप्रधानमन्त्री एवं नेपाल समाजवादी पार्टीका अध्यक्ष डा. बाबुराम भट्टराईले नेकपा माओवादी केन्द्रका अध्यक्ष प्रचण्ड र आफूबीच पुरानै माओवादी जनयुद्धको पुनरावृत्ति नभएर आर्थिक समृद्धिको ‘महाअभियान’ सञ्चालन गर्ने सल्लाह भएको बताएका छन्।
सञ्चारमाध्यममा प्रचण्डले आफू र बाबुराम नयाँ जनयुद्ध गर्नुपर्ने निष्कर्षमा पुगेको भन्ने खबर आएपछि यस विषयमा डा. भट्टराईले सामाजिक सञ्जालमार्फत स्पष्टीकरण दिएका हुन्।
उनले भनेका छन्, ‘प्रचण्ड–बाबुरामको नयाँ संश्लेषण र संकल्प पुरानै माओवादी जनयुद्धको पुनरावृत्ति गर्ने नभएर जनयुद्धको जगमा प्राप्त संघीय लोकतान्त्रिक गणतन्त्रको रक्षा गर्दै २१औं शताब्दीको सापेक्षतामा तीव्र आर्थिक समृद्धि हासिल गर्ने र नयाँ ढंगको समाजवाद निर्माण गर्ने महाभियान हो। सबैको साथको अपेक्षा।’
प्रचण्ड र बाबुराम नेपालमा १० वर्षसम्म सञ्चालित माओवादी जनयुद्धका सहयोद्धा हुन्।
भिडिओमा प्रचण्डको भनाइ
फेरि नयाँ जनयुद्ध गर्ने निष्कर्षमा पुगेका छौं : प्रचण्ड pic.twitter.com/Ch5vYY1Abz
— Nepalkhabar (@nepalkhabar) September 24, 2022
Shares
प्रतिक्रिया