सुनसरी क्षेत्र नम्बरको ४ को मतगणना अन्तिम चरणमा पुगेको छ। यहाँ सुरुदेखि नै नेपाली कांग्रेस र नेकपा एमालेका उम्मेदवारबीच रोचक प्रतिस्पर्धा चलिरहेको छ।
पछिल्लो मतपरिणाम अनुसार नेपाली कांग्रेसका उम्मेदवार ज्ञानेन्द्र बहादुर कार्कीले ७४ मतले अग्रता लिएका छन्। अब त्यहाँ २ सय ५८ मत गणना गर्न बाँकी छ।
संचारमन्त्री समेत रहेका कांग्रेस उम्मेदवार कार्कीले ३० हजार ३ सय ५३ मत प्राप्त गरेका छन्। एमाले उम्मेदवार जगदीशप्रसाद कुसियैतले ३० हजार २ सय ७९ मत प्राप्त गरेका छन्।
यहाँ दुई दिन रोकिएर पुनः मतगणना सुरु भएको हो। सुरुवाती चरणबाट कार्कीले अग्रता लिँदैगर्दा एमालेका कुसियैतले पनि एकपटक उछिनेका थिए।
यो क्षेत्रमा सुरुदेखि नै कांग्रेस र एमाले उम्मेदवारको कडा टक्कर देखिएको छ।
243
Shares
प्रतिक्रिया