यसअघि समानुपातिक सूचीमा परेका नेतालाई कांग्रेस चितवनले उम्मेदवार नबनाउने

नेपाली कांग्रेस चितवनले तत्कालीन संविधानसभा निर्वाचन पश्चात् समानुपातिमा नाम समावेश भएकाहरुलाई यस पटक समानुपातिक सूचीमा सिफारिस नगरिएको जनाएको छ। 

पार्टीको बिहीबार बसेको बैठकले विधि बनाएर उम्मेदवारको नाम सिफारिस गरेको हो।
 
जिल्ला सभापति राजेश्वर खनालका अनुसार अगामी माघ ११ गते हुने राष्ट्रियसभा र फागुन २१ गते हुने प्रत्यक्ष तथा समानुपातिक निर्वाचनका लागि विधि तय गरी सिफारिस गरिएको हो। 

दोस्रो संविधानसभा निर्वाचन विसं २०७० पश्चात् प्रत्यक्षबाहेक अन्य प्रणालीबाट सङ्घ तथा प्रदेशमा जिल्लाभित्र क्रियाशील सदस्यता लिई सफलता प्राप्त गरेकाको हकमा यस पटक प्रत्यक्ष निर्वाचनमा मात्रै सिफारिस गरिएको उनले बताए।