युनिकोड
राष्ट्रिय स्वतन्त्र पार्टी (रास्वपा) को केन्द्रीय समिति बैठक केन्द्रीय कार्यालय वनस्थलीमा सुरु भएको छ। बैठकमा प्रधानमन्त्री एवं वरिष्ठ नेता बालेन्द्र शाह भने उपस्थित छैनन्।
सभापति सभापति रवि लामिछानेको सभापतित्वमा बैठक सुरु भएको हो। बैठकमा मुख्य नौ वटा एजेन्डामा छलफल हुने रास्वपा प्रवक्ता मनीष झाले बताए।
हिजो आइतबार सचिवालय बैठकले पारित गरेका ९ एजेन्डाहरुमा केन्द्रीय समितिमा छलफल हुनेछ।
कार्यसूचीमा सबैभन्दा पहिला पार्टी गतिविधिबारे विस्तृत ब्रिफिङ हुनेछ। २० जना केन्द्रीय सदस्यले आ–आफ्नो मन्तव्य राख्नेछन्। उनीहरुलाई बोल्नका लागि २–२ मिनेट दिइने कार्यसूचीमा उल्लेख छ।
बैठकले आगामी स्थानीय तह निर्वाचन लक्षित उम्मेदवार क्लब गठन तथा आवेदन आह्वानसम्बन्धी प्रस्तावमा पनि छलफल गर्नेछ।
प्रतिक्रिया