युनिकोड
सत्तारुढ दल नेकपामा जारी विवाद समाधानकाे प्रस्तावको मस्यौदा तयार गर्न महासचिव विष्णु पौडेलको संंयोजकत्वमा कार्यदल गठन गरिएको छ।
६ सदस्यीय साे कार्यदलले शनिबारदेखि नै काम सुरु गर्ने भएको छ।
प्रधानमन्त्री तथा पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच शुक्रबार बालुवाटारमा भएको बैठकले सो कार्यल गठन गरेको हो।
कार्यदलका संयोजक पौडेलले नेपालखबरसँग कुरा गर्दै भोलिदेखि नै आफूहरुले काम सुरु गर्ने र विवाद समाधानको विषयमा छिट्टै नै प्रस्तावको मस्यौदा अध्यक्षद्वयलाई बुझाउने बताए।
‘आज दुई अध्यक्षबीच छलफल भयो, पार्टीको आन्तरिक जीवनमा देखिएको समस्याहरुलाई सकारात्मक रुपमा समाधान गर्ने र जनताले पार्टीलाई दिएको जिम्मेवारीलाई निकषर्षमा पुर्याउने विषयमा सहमति भएको छ’, पौडेलले नेपालखबरसँग भने, ‘अहिले देखिएको विवाद समाधानका लागि ६ सदस्यीय कार्यदल गठन भएको छ, त्यसले भोलिदेखि काम सुरु गरेर चाँडो भन्दा चाँडो अध्यक्षद्वयलाई विकल्प पेश गर्नेछौं।’
भिडियाेः
नेकपाभित्र विवाद चर्किदै गएपछि दुई अध्यक्ष ओली र प्रचण्डबीच शुक्रबार भएको छलफलले विवाद समाधानका लागि विष्णु पौडेलको संयोजकत्वमा भीम रावल, शंकर पोखरेल, सुरेन्द्र पाण्डे, जनार्दन शर्मा, पम्फा भुसाल रहेको कार्यदल गठन गरेको हो।
कार्यदलले व्यवहारिक र सैद्धान्तिक लगायत बिभिन्न विषयमा समाधानका प्रस्तावकाे मस्याैदा तयार गरी बुझाउने संयोजक पौडेलले बताए।
याे पनि:
नेकपा विवाद सुल्झाउने विकल्प प्रस्तुत गर्न ६ सदस्यीय कार्यदल गठन
प्रचण्डको ब्रिफिङः हामी हारेजस्तो देखिन्छ, तर पार्टी बचाउन संयमता अपनाएका हौँ
प्रचण्डलाई ओलीको प्रस्तावः अब सबै निर्णय सचिवालयबाट गराउँछु, पाँचै वर्ष प्रधानमन्त्री मलाई दिनुस्
प्रतिक्रिया