युनिकोड
प्रतिनिधि सभा समानुपातिकतर्फ नेकपा एमाले र नेपाली कांग्रेसले मतको संख्या ६ लाख कटाएका छन्।
बिहीबार (आज) साँझ ५:१५ बजेसम्म पहिलो स्थानमा रहेको एमालेले ६ लाख ३९ हजार ६ सय २ समानुपातिक मत ल्याएको छ। निर्वाचन आयोगको तथ्यांकअनुसार दोस्रो स्थानमा रहेको नेपाली कांग्रेसले अहिलेसम्म ६ लाख २ हजार २ सय १६ समानुपातिक मत पाएको छ।
यस्तै सुरुदेखि नै तेस्रो स्थान ओगटेको राष्ट्रिय स्वतन्त्र पार्टीले अहिलेसम्म ३ लाख १९ हजार ५ सय ११ समानुपातिक मत प्राप्त गरेको छ।
आयोगका अनुसार नेकपा माओवादी केन्द्र २ लाख ८८ हजार ९ सय ८१ मतका साथ चौथो स्थानमा छ भने पाँचौँ स्थानमा रहेर राष्ट्रिय प्रजातन्त्र पार्टी (राप्रपा) ले १ लाख ७२ हजार ५ सय ६० समानुपातिक मत ल्याएको छ।
मत गणना जारी छ।
प्रतिक्रिया