युनिकोड
प्रतिनिधिसभा समानुपातिकतर्फ नेकपा माओवादी केन्द्रले ११ लाख मत कटाएको छ।
निर्वाचन आयोगको बिहान सवा ९ बजेसम्मको तथ्यांकअनुसार माओवादी केन्द्रले समानुपातिक मतको संख्या ११ लाख ६ सय ४७ पुर्याएको हो।
आयोगका अनुसार अहिलेसम्म ९५ लाख ७३ हजार ७५ मत गनिसकिएको छ।
प्रत्यक्षतर्फ १७ सिटका साथ तेस्रो स्थानमा रहेको माओवादी अहिलेसम्म समानुपातिकतर्फ पनि तेस्रै स्थानमा छ।
पहिलो स्थानमा एमाले र दोस्रो स्थानमा नेपाली कांग्रेस छन्। चौथो स्थानमा भने राष्ट्रिय स्वतन्त्र पार्टी छ।
निर्वाचन आयोगका अनुसार कूल खसेको मतको संख्या १ करोड ९ लाख ७० हजार हो। अहिलेसम्मको आकलनअनुसार यीमध्ये ३ लाख मत बदर भएका छन्। यसो हुँदा कूल सदर मतको संख्या १ करोड ६ लाख ७० हजार हुन आउँछ। यसको ३ प्रतिशत अर्थात् ३ लाख २० हजार मतलाई थ्रेसहोल्डको सीमा मानिएको छ।
प्रतिक्रिया