यी हुन् आईओएस १६.१ मा थपिएका ७ फिचर

कुनै राइड अर्डर गरियो भने राइडको रियल टाइम जानकारी मोबाइलको लकस्क्रिनमा पनि पाइनेछ। यसअन्तर्गत कम्पनीले स्लोप्स, फ्लाइटी, ल्यान्डस्केप, फरेस्ट, क्यारोट वेदर, लुमी, क्रोउसन, पेसस्टल, लिफ्टिन, फुटमोब, कार्ड पोइन्टर, जस्ट प्रेस रेकर्ड, स्टक्चर्ड डेली प्लानर, पोस्चर पल, मनी कोच, क्याल्जी, स्मार्ट जिम, स्टिकी टाइमर, टीभी रिमोट, सब्जेक्ट, काउब्वाइ–इलेक्ट्रिक बाइकजस्ता एपलाई लाईभ एक्टिभिटीका लागि अनुमति दिएको छ।

यी विविध एपका फिचर लकस्क्रिन र डाइनामिक आइल्यान्डमा हेर्न सकिनेछ। यसका लागि आईओएसको नयाँ अपडेट आईओएस १६.१ अपडेट गर्नुपर्ने हुन्छ।

३. क्लिन इनर्जी चार्जिङ 
कम्पनीका अनुसार क्लिन इनर्जी चार्जिङ फिचरले शुन्य उत्सर्जनलाई सहयोग गर्नेछ। तर यो फिचर सुरुवाती चरणमा अमेरिकामा मात्र उपलब्ध हुने छ। 

४. एप्पल वाचबिनै एप्पल फिटनेस प्लस 
अब आईफोन प्रयोगकर्ताले एप्पल वाचबिनै नै एप्पलको सबैभन्दा धेरै रुचाइएको ‘फिटनेस प्लस’ फिचर प्रयोग गर्न पाउने भएका छन्। यो फिचर प्रयोगकर्ताले आईओएस १६.१, आइप्याडओएस १६.१ र टीभी ओएस १६.१ मा प्रयोग गर्न सक्नेछन्। यसअघि एप्पल वाचबिना प्रयोगकर्ताले आफ्नो स्वास्थ्य स्थितिलाई ट्रयाक गर्न सक्दैन थिए। अब एप्पल वाचबिनै यो फिचर प्रयोग गर्न सकिने भएको हो। 
सन् २०२० डिसेम्बरमा सार्वजनिक यो फिचरमा ३ हजारभन्दा बढी व्यायाम तथा मेडिटेसनका भिडिओलगायत अन्य फिचर छन्। यो फिचर २१ देशका लागि मात्र सशुल्क रूपमा उपलब्ध छ। 

५. होम एपमा म्याटर एक्सेसरिज 
होम डिभाइसहरू कनेक्ट गर्न आईओएस १६.१ मा म्याटर फिचर उपलब्ध हुने भएको छ। यसले विभिन्न प्लेटफर्मका होम एक्सेसरिजमा काम गर्न सहयोग गर्छ। यो फिचर एप्पलको होमकिटसँगै अमेजनको एलेक्जा र गुगलको होमकिटमा प्रयोग गर्न सकिन्छ।

६. एक हातले प्रयोग गर्न सकिने 
आईफोन १४ प्रोको मोडेलहरूमा उपलब्ध डाइनामिक आईल्यान्डमा एक हातले नै मोबाइल प्रयोग गर्न मिल्ने गरी रिचेबिलिटी फिचर थपिएको छ।  यो फिचर इनेबल गरेपछि प्रयोगकर्ताले स्क्रिनमा सहजै एक हातले नै मोबाइल प्रयोग गर्न सक्नेछन्।

७. स्टाटसबारमा ब्याट्री पर्सेन्ट
आईफोनका कतिपय मोडेलमा ब्याट्री प्रतिशत देखाइएको थिएन, विशेषगरी आईफोन १२ मिनी र आईफोन १३ मिनीमा। अपडेटसँगै आईफोनमा हरेक डिभाइसमा ब्याट्री प्रतिशत हेर्न सकिने भएको छ। एप्पलले स्क्रिन आकर्षक देखाउन ब्याट्री पर्सेन्टलाई स्टेटस बारमा समायोजन गरेको छ।