सामाजिक सञ्जाल फेसबुकले एमआरआर ग्रुपलई निस्क्रिय पारेको छ।
मेटा कम्पनीको फेसबुकले सामुदायिक मापदण्डको उललंघन गरेको भन्दै एमआरआर ग्रुपलाई निस्क्रिय पारेको हो।
फेसबुकले आगामी दिनमा ग्रुपका एडमिनले मापदण्ड उल्लंघन हुने किसिमका पोस्ट गर्ने वा त्यस्ता पोस्ट एप्रुभ गरेको अवस्थामा ग्रुपमाथि नै प्रतिबन्ध लगाइने चेतावनी फेसबुकले दिएको छ।
यद्यपि एडमिन समूहले भने कुन पोस्ट वा कमेन्टको कारण ग्रुपलाई निस्क्रिय पारिएको जानकारी नदिएको बताएको छ।
यसअघि नै कारबाहीमा परेकाले यस विषयमा आफूहरु सचेत रहँदै आएको र त्यस्तो कुनै पनि पोस्ट ग्रुपमा नराखिएको एडमिन समूहको दाबी छ।
पटक पटक फेसबुकको कारबाहीमा पर्नु र फेसबुकले आफूहरुले पुनरवलोकनको लागि गरेको आग्रह बेवास्ता गर्नु दुःखद् भएको बताउँदै एडमिन समूहले यसपटकको निर्णय पनि पुनरवलोकनको लागि आग्रह गरेको बताएको छ।
Shares
प्रतिक्रिया