युनिकोड
काठमाडौं महानगरपालिकाका मेयर बालेन शाह अहिले नक्सा पास नभएका संरचना भत्काउने अभियानमा छन्।
काठमाडौंको बुद्धनगरस्थित अल्फा बिटा कम्प्लेक्सले निर्माण गरेका पूर्वाधारको अनुगमन गर्न पुगेका बालेन आक्रोशित भएका हुन्।
नक्सा मागेपछि सञ्चालकले तत्कालै दिन नसकेपछि झ्वाँक्किएका बालेनले तत्कालै अवैध संरचना रहेको सटर झार्न निर्देशन दिए।
महानगरले यसअघि नै ३५ दिने सूचना निकालिसकेको बताउँदै बालेनले तत्कालै नक्सा उपलब्ध गराउन निर्देशन दिए।
त्यसपछि अल्फा बिटा समूहका अध्यक्ष द्विराज शर्माले बालेनलाई डन हो कि के हो? भन्दै प्रश्न गरेका थिए। उनले आफूलाई थर्काउन खोजेको गुनासो गरेका थिए।
बालेनले बिहीबार शंखमुलस्थित बर्गर हाउसको पनि अनुगमन गरेर बेसमेन्ट खाली गराउन निर्देशन दिएका छन्।
अल्फा बिटाले फुटपाथमै पार्किङदेखि नक्साबिनाको संरचना बनाएको गुनासो आएको थियो। बालेनमाथि अल्फा बिटाका सञ्चालक शर्माले स्टन्ट गरेको पनि आरोप लगाए। तर बालेनले आफूले मिडिया ल्याएर स्टन्ट नगरेको जवाफ दिए।
अल्फा बिटाका सञ्चालक शर्मा त्यसपछि बालेनको व्यवहारलाई लिएर आक्रोशित भए। उनले डन शैली नदेखाउन पनि बालेनलाई चेतावनी दिएका थिए।
- काठमाडौंमा नाइट बस चलाउने बालेन्द्रको योजना अलपत्र
- ठमेलको रात्रि जीवन (तस्बिरहरु)
- काठमाडौंको रात्रिकालीन व्यवसायमा प्रहरीको नियन्त्रण, व्यवसायी भन्छन्– साँझमा सुत्न पर्यटक आउँदैनन्
- रात्रिकालीन व्यवसाय बन्द गराएको प्रहरीले होइन, निर्णय भए २४ घण्टै सुरक्षा दिन्छौं : प्रहरी प्रवक्ता राई
- बालेन्द्रले भने : कारबाही सुरु भयो, अब महानगरभरि पुग्नेछ
- काठमाडौंको शान्तिसुरक्षाबारे मेयर बालेन्द्रले गरे उपत्यका प्रहरी प्रमुखसँग छलफल
प्रतिक्रिया