युनिकोड
काठमाडौंको नरेफाँटस्थित लालीगुराँस बाटिका सेकेन्डरी स्कुलका विद्यार्थी र शिक्षकहरुले मिर्गौलापीडितहरुको उपचारका लागि आर्थिक सहयोग गरेका छन्।
बाल दिवसको अवसर पारेर उक्त स्कुल र कलेजका विद्यार्थी र शिक्षकबाट संकलित १ लाख २१ हजार रुपैयाँ प्राचार्य हरि शिवाकोटीले मिर्गौला फेल भइ उपचाररत र द्वन्द्वपीडितको सहयोगका लागि दिएका हुन्।
उक्त रकम अध्ययन अघि बढाउन नसकेका मिर्गौला र द्वन्द्वपीडितहरुको सहयोगार्थ इन्द्रेणीका संचालक कृष्ण कँडेलमार्फत हस्तान्तरण गरिएको हो।
उक्त रकम विद्यालयको दान पेटिकामा जम्मा भएको हो। उक्त दान पेटिकामा विद्यार्थी र शिक्षक कर्मचारीहरुले आफ्नो जन्मदिनको दिन स्वैच्छिक रुपमा रकम जम्मा गर्ने चलन छ।
विद्यालयले विद्यार्थीहरुलाई रकम लिएर आउन निषेध गरेको छ। तर उनीहरुको पकेट र ब्याग चेक गर्दा भेटिएको रकम पनि त्यहीँ जम्मा गर्ने चलन छ।
त्यस्तै विद्यालय परिसरमा भेटिएको रकम र संचालक समितिको बैठक भत्ता तथा अभिभावकहरूले पठाएको स्वैच्छिक रकम, शिक्षकहरुको एक दिनको तलब बराबर संकलन गरेर प्रदान प्राचार्य शिवाकोटीले बताए।
प्रतिक्रिया