जाजरकोटको रामीडाँडा केन्द्रविन्दु भएर शनिबार राति ६ दशमलव ४ म्याग्निच्युडको भूकम्प जाँदा कर्णालीमा ठूलो क्षति भएको छ।
जाजरकोट केन्द्रविन्दु भई कर्णालीमा ठूलो भूकम्प, काठमाडौं र दिल्लीमा पनि महसुस
दैलेख, जाजरकोट, रुकुम पश्चिम, सल्यान लगायतका जिल्लाका धेरै घरमा क्षति पुगेको छ। केही ठाउँमा सुख्खा पहिरो गएको छ ।
रातिको समय भएकाले विवरण संकलन गरी उद्धार र राहतका काम गर्न समस्या भएको सरकारी अधिकारीहरुले बताएका छन् ।
जाजरकोटमा नेपाली सेना, सशस्त्र प्रहरी र नेपाल प्रहरी परिचालन भएका छन् । क्षतिको विवरण र सूचना संकलन भइरहेको छ । कतिपय स्थानमा टेलिफोन टावरले काम नगर्दा सूचनामै समस्या भइरहेको छ।
कर्णाली प्रदेशका आर्थिक मामिला मन्त्री वेदराज सिंहले जाजरकोटमा नेपाली सेना, सशस्त्र प्रहरी र नेपाल प्रहरी परिचालन भएको बताएका छन् । क्षतिको विवरण र सूचना संकलन भइरहेको र कतिपय स्थानमा टेलिफोन टावरले काम नगर्दा सूचनामै समस्या भइरहेको उनको भनाइ छ।
मन्त्री सिंहको घर पनि जाजरकोट हो।
चिसो मौसममा घरबाहिर निस्केकाहरुलाई रात कटाउन पनि कठिन भएको छ ।
Shares
प्रतिक्रिया