युनिकोड
सुनसरीको दुहबीमा बसको ठक्करबाट मोटरसाइकलमा सवार एक महिलाको मृत्यु भएको छ। दुहबी नगरपालिका-८ हुलास फ्याक्ट्री अगाडि सडकमा विराटनगरबाट इटहरीतर्फ जाँदै गरेको को १ ख ७०२३ नम्बरको बसले प्र १–०२–०५६ प ५५९३ नम्बरको मोटरसाइकललाई सोमबार दिउँसो ठक्कर दिएको हो।
बसको ठक्करबाट मोटरसाइकलमा सवार इटहरी उपमहानगरपालिका-५ की ५० वर्षीया चिनिमाया बुढाथोकीको मृत्यु भएको प्रहरीले जानकारी दिएको छ।
दुर्घटनामा गम्भीर घाइते भएकी उनको विराट मेडिकल कलेज टिचिङ अस्पताल बुढीगंगा मोरङमा उपचारको क्रममा मृत्यु भएको हो।
दुर्घटनामा घाइते भएका मोटरसाइकल चालकको विराट नर्सिङहोम अस्पताल विराटनगरमा उपचार भइरहेको छ। प्रहरीले बस चालकलाई नियन्त्रणमा लिएको जनाएको छ।
प्रतिक्रिया