युनिकोड
कोरोना संक्रमित युवतीसँगै कतारबाट फर्किएका इलामका एक युवालाई प्रहरीको निगरानीमा घरमै क्वारेन्टिनमा राखिएको छ।
जिल्ला प्रशासन कार्यालय इलामका अनुसार चैत ४ गते फर्किएको थाहा पाएपछि उनको घरमा प्रहरी पुगेको थियो।
उनी पनि कतारबाट संक्रमित युवतीसँग एउटै विमानमा आएका १ सय ५८ जना मध्येकै भएको पुष्टि भएको छ। प्रहरीले उनलाई कसैसँग भेट नगरी घरमै क्वारेन्टिनमा बस्न भनेको छ।
बिब्ल्याँटे प्रहरी चौकीले हाल उनको निगरानी गरिरहेको छ।
यस्तै भारतबाट फर्किएका ६ जनालाई इलामस्थित सामुदायिक अस्पतालको क्वारेन्टिनमा राखिएको छ।
काँकडभिट्टा नाका हुँदै भारतबाट भित्रिएका उनीहरुलाई बु्धबार दिउँसो २ बजेबाट डा. मेघबहादुर पराजुली कम्युनिटी अस्पतालमा राखिएको छ।
प्रतिक्रिया