११५ केजी बुद्धचित्त माला र १२ लाख नगदसहित दुई चिनियाँ पक्राउ

प्रहरीले ठूलाे मात्रामा बुद्धचित्त माला र स्रोत नखुलेको नगदसहित २ चिनियाँ नागरिकलाई पक्राउ गरेको छ।

जिल्ला प्रहरी परिसर काठमाडौँले बुधबार राति ठमेलबाट उनीहरुलाई पक्राउ परेको हो।

प्रहरीका अनुसार ११५.६५ केजी बुद्धचित्त माला र १२ लाख ७० हजार नगद समेत फेला परेको परिसरका एसपी अपीलराज बोहोराले जानकारी दिए।

त्यस्तै उनीहरूको साथबाट ३ वटा मोबाइल फोन र २ वटा पासपोर्ट समेत बरामद गरिएको प्रहरीले जनाएको छ।

उनीहरुलाई नियन्त्रणमा थप अनुसन्धान भइरहेको छ।