युनिकोड
देशभरका ५ वटा राजमार्ग पूर्णरुपमा अवरुद्ध भएको छ। कोसी प्रदेशको संखुवासभाको भोटखोला गाउँपालिका ४ स्थित कोसी राजमार्ग गत जेठ ६ गतेदेखि अवरुद्ध छ। त्यस्तै मकालु गाउँपालिका ३ मा पर्ने कोसी राजमार्ग अविरल वर्षापछि आएको बाढीका कारण भदौ १५ गतेदेखि पूर्ण रुपमा अवरुद्ध छ।
त्यस्तै बागमती प्रदेशको रसुवामा असार २४ गतेको बाढीका कारण गोसाइकुन्ड गाउँपालिका-२ स्थित नेपाल-चीन नाका जोड्ने पुल बगाएको छ। यो राजमार्ग अझै अवरुद्ध छ।
त्यस्तै सिन्धुपाल्चोकस्थित भोटेकोसी गाउँपालिका कोदारीमा पर्ने अरनिको राजमार्ग भदौ ९ गतेदेखि पूर्णरुपमा अवरुद्ध छ।
चितवनको इच्छाकामना गाउँपालिका-५ स्थित तुइनखोलामा पर्ने नारायणगढ-मुग्लिन सडकखण्ड मंगलबारदेखि पूर्णरुपमा अवरुद्ध छ। यहाँ पहिरो हटाउनेक काम भइरहेको सडक डिभिजन कार्यालय भरतपुरले जानकारी दिएको छ।
प्रतिक्रिया