युनिकोड
पूर्वपश्चिम राजमार्गको नवलपुरमा ट्रकको ठक्करबाट शनिबार साँझ मोटरसाइकल चालकको मृत्यु भएको छ।
नवलपुरको मध्यविन्दु-७ चोरमाराको उकालोमा नारायणघाटबाट भैरहवातर्फ जाँदै गरेको प्रदेश २-०३-००१ ख ७१६४ नम्बरको ट्रकले नारायणघाटतर्फ जाँदै गरेको ना ३४ प १२८५ नम्बरको मोटरसाइकललाई ठक्कर दिएको हो। ट्रकको ठक्करबाट गम्भीर घाइते भएका नवलपरासी (बर्दघाट-सुस्तापूर्व) को मध्यविन्दु-१५ का ३६ वर्षीय लोकबहादुर थारूको उपचारका क्रममा मृत्यु भएको प्रहरीले जनाएको छ।
दुर्घटनामा घाइते भएका थारूलाई उपचारका लागि मध्यविन्दु प्रादेशिक अस्पताल डण्डा लगिएको थियो। अस्पताल पुर्याउने बितिक्कै चिकित्सकले मृत घोषणा गरेको जिल्ला प्रहरी कार्यालयका सूचना अधिकारी प्रहरी नायव उपरीक्षक मधु नेपालले जानकारी दिए।
दुर्घटनापछि ट्रकका चालक बाराको सिमरा उपमहानगरपालिका-१५ का २४ वर्षीय लक्ष्मीप्रसाद यादवलाई प्रहरीले नियन्त्रणमा लिएको छ। घटनाको थप अनुसन्धान भइरहेको नेपालले बताए।
प्रतिक्रिया