युनिकोड
तराईसँगै काठमाडौँ उपत्यकामा पनि अहिले पारदर्शिता कम हुने गरी कुहिरो लागिरहेको मौसम पूर्वानुमान महाशाखाका मौसमविद्ले जानकारी दिएका छन्।
महाशाखाकी मौसमविद् बिनु महर्जनका अनुसार यतिबेला काठमाडौँ उपत्यकामा कुहिरोका कारण भिजिबिलिटी ८ सय मिटर मात्र छ।
‘यसले हवाई उडानमा समस्या पार्छ’, उनले नेपालखबरसँग भनिन्, ‘हवाई उडानका लागि कम्तीमा ३ हजार मिटर भिजिबिलिटी आवश्यक हुन्छ।’
मौसमविद् महर्जनका अनुसार अहिले तराईका पनि अधिकांश स्थानमा हुस्सु/कुहिरो लागिरहेको छ।
‘त्यता झन् भिजिबिलिटी १००/२०० मिटर मात्र छ’, उनले भनिन्।
काठमाडौँमा लागिरहेको कुहिरो बिहान १० बजेपछि बिस्तारै हट्ने सम्भावना रहेको मौसमविद् महर्जनको भनाइ छ।
तराईतिर लागेको हुस्सु-कुहिरो भने दिउँसो पनि हट्ने सम्भावना नरहेको मौसम पूर्वानुमान महाशाखाले जनाएको छ।
प्रतिक्रिया