ठमेलको सडकमा ट्रकले ठक्कर दिँदा पैदलयात्रुको मृत्यु

काठमाडौँ महानगरपालिका–२६ ठमेलमा ट्रकको ठक्करबाट पैदलयात्रुको मृत्यु भएको छ। मंगलबार ठमेल पक्नाजोलस्थित सडकमा बा३क २३३९ नम्बरको ट्रकको ठक्करबाट पैदलयात्री ठमेलमा डेरा गरी बस्ने बारा निजगढ नगरपालिका–१३ का ४० वर्षीय किरण घलानको मृत्यु भएको हो।

ठक्करबाट गम्भीर घाइते भएका घलानलाइ उपचारका राष्ट्रिय ट्रमा सेन्टर लगिएको थियो। उनको त्यहीँ मृत्यु भएको प्रहरी प्रधान कार्यालय केन्द्रीय समाचार कक्षले जनाएको छ।

ट्रक चालकलाई प्रहरीले नियन्त्रणमा लिएको छ।