घर भत्काएको हेर्दाहेर्दै बेहोस (तस्बिरहरू)

सरकारले काठमाडौँको बागमती नदी किनारका सुकुम्बासी बस्ती हटाउँदा एक महिला बेहोस भएकी छन्। 

 शुक्रबार बागमती नदी किनारका सुकुम्बासी बस्ती हटाउन डोजर चलाएको थियो। डोजरले घर भत्काउँदा वंशीघाटमा बस्ने रेखा कुँवर बेहोस भएकी हुन्।

पर्साकी ३८ वर्षीय कुँवर घर भत्काएको हेरिरहेकी थिइन्। उनी हेर्दाहेर्दै बेहोस भएकी हुन्। 

उनलाई प्रहरी टोलीले अस्पताल पुर्‍याएको छ। उनलाई उपचारका लागि वीर अस्पताल लगिएको जिल्ला प्रहरी परिसर, काठमाडौँका प्रवक्ता पवन भट्टराईले बताए।